|
Dr Fahrlehrer Botschemberle aus
Unterheckabeerleshause, net so weit vo Stuagert, hot vor a paar Johr amol
an neue Briefer ghet, wo sich in dera Gegend überhaupt net auskennt hot.
No sen se halt gfhare ond gfahre, 50 Minute waret scho rom, und des arme
Mädle hot no net amol oi Grundfahraufgab gmacht ghet. Dr Botschemberle
isch allmählich oruhig worre, hot sich aber nix zom sage draut, weil er
denkt hot, er will den Neue net glei beim erschte Mol ärgere. Aber als no
scho me als a Stond rom war, hot em fascht dr Hentra gschwätzt. No hat er
denkt, er machts diplomatisch und hat d Briefer gfroagt: „Isch do ebbes an
mir vorbeigange, müesset die B-Briefling jetzt genau so lang fahre wie die
CE?“ „Noi“, hat der Briefer gsait, „davo woiß i nix, aber jetzt roichts
für dui. Wisset Sie wie mr vo do widder zum Wechselplatz kommet“?
Und die Moral vo dera Gschicht: Schwätze
muaß mr metnander! Ond am beste glei, ond net henterum. Ond bei allem
gegeseitige Reschpekt, zu arg diplomatisch muß do au net zugehe, ond devot
scho gar net. Schließlich hoißts doch älleweil, d Fahrlehrer ond Briefer
tätet am gleiche Strick ziehe, nämle an dem dr Verkehrssicherheit. Wenn
des so isch – ond von mir aus derfs gern so sei - no sott mr druf gucka,
dass net dr oine hischt on dr andre hott zieht. Ond des muaß für boide
gelta!
Bis bald –
Euer Marie Sälzle |
