|
|
FAHRLEHRERVERBAND
Baden-Württemberg e.V.
und
FSG/TTVA mbH
Zuffenhauser Str. 3
70825 Korntal-Münchingen
Tel. 0711 839875-0
Fax 0711 8380211
zum Kontaktformular ... |
|
| Letzte Aktualisierung dieser Seite:
26.10.11 |
|
|
|
© FahrSchulPraxis
Entnommen aus Ausgabe November/2006, Seite 651 |
|
Marie Sälzle: Schwäbisch
gsagt...
No ghoats dir so wie deinere
Handbrems... |
|
Wenn dr Fahrlehrer Botschemberle aus
Unterheckabeerleshause, net so weit vo Stuagert, ins Schwadroniere nei
kommt, no isch des manchmol ganz luschtig. So hot er amol nach’r
Versammlung a Gschichtle vo 1958 verzehlt: „I war grad 18 Johr alt, wo mei
Vadder en Schmied gschult hot, Karle hot’r gheiße und Hend ghet so groß
wia Abortdeckel. Am’a Samstigmittag um viere hot mei Vadder d’ Karle nach
der Fahrstund aghoiße, er solls Auto parkfertig abstelle. No hot der d’
erste Gang nei und hot glei austeige welle. Aber no hot en mei Vadder
scharf abäfft: ‚Isch des älles?’ Do isch der Zwoimeter-Kerle richtig
zammezuggt un hot in seim Schreck d Handbremse mit seinere Pratza so
obache gschnappt, dass 's Bremssoil abgfazt und dr Hebel lotrecht zwische
d Sitz gstande isch. Mei Alter hot en älles ghoiße, bloß nix reachts. Des
muaß dem Karle Nas nuff sei. Er isch raus, um den Käfer num gsaut un hot
mein Vadder am Kiddel aus em Auto zoge un en aogfaucht: ‚Botschemberle,
wenn du mi no oimol so abrüllsch, no ghoats dir wie deinere Handbrems, no
bisch nemlich he!’ In dem Moment war mei Vadder so kloi wie en vorher no
nie gsäh ghet han. Abber wo er mi obe zum Fenster rausgugge gsäh hot, war
er scho widder ganz der Alte: ‚Due dein Grind nei, was dr Karle un i
mitnander hen, ghoat di nix a!’“
Bis bald –
Euer Marie Sälzle |
|
FahrSchulPraxis
Ausgabe
November
2006
Erscheinungsdatum 15.11.2006
Artikel dieser Ausgabe im WWW:
|