 Em Fahrlehrer
Botschemberle aus Unterheckabeerleshause, net so weit vo Stuagart,
isch, was selta bassiert, neilich der Gaul durchgange. Wo des
Margretle am Schluss vo ihrer fehlerlose Briefungsfahrt eiparkt ghet
hot, frogt se der Briefer: „Gefällt Ihnen das so?“ Drauf sait se a
bissle boggich, „mir scho!“ Drauf dr Briefer: „Aber mir nicht, Sie
stehen schräg, korrigieren Sie das!“ No lesst se d’ Motor widder a,
fehrt a Stickle aus derra Parkbox naus, zielt sauber ond stoht
bolzgrad dren, abr a gloi bissle z’weit rechts. Obwohl dr neba
koiner stoht, un mr ja glei weiterfehrt, will dr Briefer, dass se
nommol korrigiert. No dreht se dr Botschemberle zum Briefer ond
bäfft: „Mir roichts jetzt! Dui Margret macht gar nix me! Saget se
doch glei, se wellet se so lang in derra Licka romgeiga lasse, bis
se uff des Mäuerle do hinte druff saut.“ Bis bald –
Euer Marie Sälzle |
