 Dr Fahrlehrer
Botschemberle aus Unterheckabeerleshause, net so weit vo Schtuagert,
isch oiner vom alte Schlag. Bei dem lernet no älle, wie mr zwische
de Bordstoi wendet. Ond „damit mr net omstendlich zwoimol zerscht en
die falsch Richtung fehrt“, legt der Botschemberle aufs Gegalenke
kurz vor 'm Bordstoi, ond zwor hende ond vorne, bsondere Wert. Wie
no em Luisle sei Vadder, a neimolgscheiter Fläschnermoischter, am a
schene Dag beim Botschemberle ins Büro reigschneit isch ond gmotzt
hot, „mei Döchterle mueß bei dir onetigs Zeigs lerne, was en dr
Briefung gar nemme gfrogt isch, dui Stondaschinderei muß aufhera“,
hot en dr Botschemberle bloß groß aguggt und gsait: „Guschtav, wenn
du des kennscht, was i deim Döchterle beibring, dät dein Pickup net
aussehe wie a Blechbix, mit der d’ Buba uff der Stroß kickt hen!“
Bis bald –
Euer Marie Sälzle |
