 Dr Fahrlehrer
Botschemberle aus Unterheckabeerleshause, net so weit vo Schtuagert,
isch neilich in zemliche Schwulitäte komme. Oine vo seine
Schielerinnen, Luisle hoißt se, hot a bissle a B-Aigle ond sieht net
so guat end Broite, dr Dokter hot gsait, „mit dem peripheren Sehen
hapert es“. Aber des hot me jo lang net gwisst, dass des so isch,
bis halt zum selbiga Vorfall. Do isch des Luisle mitta en dr Stadt
so päp an 're Radfahrere vorbei gsaust, dass se dui fascht
rontergschmissa het. Dr Botschemberle isch selber verschrocka, weil
er nemlich grad in sellem Moment in sein Kalender neiglotzt hot. Wo
se vor dr nexta Ampel ghalte hen, isch dui Radfahrere neber se
nogfahre ond hat jenseitsmäßig gschimpft, vor ällem mit em
Botschem-berle: „Sie hoggad nebedra wie a Pfauskrott on machet
garnix, wenn dui Jonge mi fascht omnietet. Ehne miast mr dr Schei
wegnehme. Drauf der Botschemberle: „Schreiet Se net so ond danket Se
em Hergott, dass i dr’neba ghoggt be, sonscht wäret Se jetzt dod.“ Bis bald –
Euer Marie Sälzle |
