 |
Dr Fahrlehrer
Botschemberle aus Unterheckabeerleshause, net so weit vo
Schtuagert, hot neilich en Aruf griegt. Ob er auch auf einem
Ferrari schulen würde, fragte der Anrufer im feinste
Schriftdeitsch. Zerscht hot er denkt, do well en oiner uff d’
Arm nemme. Aber wo no der Ma gsait hot, „Es geht um meine
Freundin, die den Führerschein hat, aber sich nicht traut, mit
meinem 599 GTB Fiorano zu fahren“, hot’s beim Botschemberle
zonde. Sofort fellt em ei, dass der Karre über 600 PS hot und
230.000 Euro koschtet. Ond des hot em Mores gmacht. No reisst er
sich zamme ond sait in seim beste Honoratioren-Schwäbisch: „Sie,
des isch arg nett, dass Sie an mich denkt hen, aber lasset Se
sich von mir einen guten Rat gebe und zwinget Se die Dame zu
nix. Denket Se an die Folga. Wege einem kaputtgfahrne Auto send
scho die beste Ehe in Oimer gegangen.“ |
Bis bald –
Euer Marie Sälzle |
