 |
Dr Fahrlehrer
Botschemberle aus Unterheckabeerleshause, net so weit vo
Stuagert, hot neilich bei dr Briefung a bissle Bauchweh griagt.
Dreimol isch der Kevin bei Gelb durchgsaut - ond der Briefer hot
koin Mucks gmacht. Wo d’ Briefung rom war, hot dr Botschemberle
gmoint, er müaß was Lockers sage, was oinerseits d’ Kevin a
bissle tadle dät ond andrerseits des dreimol Gelb au a bissle
verharmlost. „Hosch heit a bissle d’ Gelbsucht, Kevin?“ Drauf dr
Kevin: „Do war älles onder Kontroll, froget Se d’ Herr Briefer,
der hot den 40-Tonner au gsähe, der päp henter os war on
jedesmol au no mit durchgrauscht isch.“ |
Bis bald –
Euer Marie Sälzle |
